Ibyereke Pitch Studio

Ni Porogarame igamije gutanga igishoro ku bantu bafite ibitekerezo by’imishinga ibyara inyungu (Business), no guha umwanya ba rwiyemezamirimo gushaka uwabashoramo imari (Angel Investors) bakagura ibikorwa byayo. Byose bica mu kiganiro “Pitch Studio” gitambuka mu Rwanda hose. Iyi gahunda itegurwa na Arthur Nation ku bufatanye na RBA (Radiyo na Televiziyo by’U Rwanda).

PitchStudio ihagaze ku nkingi eshatu:

• Gutera inkunga abafite ibitekerezo (Rwiyemezamayide).
• Gutanga ubumenyi mu by’ubucuruzi.
• Gutanga urubuga rwo kugaragaza ibikorwa bya ba rwiyemezamirimo.

Ikiganiro kiyoborwa na Arthur Nkusi, kigatambuka kuri Radio na Televiziyo Rwanda, KC2, Magic FM, Radiyo Inteko, na radiyo eshanu zivugira mu turere, hamwe n’izindi mbuga zitambukaho ibiganiro nka Spotify na Youtube.

Buri cyiciro (season) kigizwe n’ibice 12, kimara amezi atatu cyumvwa mu turere twose 30.

Ibyiciro by’abitabira.

• Ba Rwiyemezamayide ni abafite igitekerezo ariko nta gishoro, bifuza inkunga itari inguzanyo izishyurwa. Abatoranyijwe barahatana, maze uwatanze igitekerezo gifite umwihariko, agahabwa inkunga yasabye.
• Ba Rwiyemezamirimo (Founders) ni abafite ubucuruzi/imishinga bukeneye kwaguka, bifuza guhura n’abashoramari bafite ubushoboze bwo gushora mu mishinga yabo.

Buri cyiciro kigira amafaranga yagenwe azagabanwa n’abahatana. Kuri iyi nshuro, Arthur Nation izatanga RWF 15,000,000.

Gutora no Guhemba

Gutora biroroshye kandi bikorwa n’abaturage. Ikiganiro kirimo ba barwiyemazamayide babiri bahatana, gitambuka mu gihugu hose, maze abacyumva bagatora umushinga mwiza banyuze kuri channel ya WhatsApp. Uwatowe cyane, ahita yegukana akantu.

Iyi gahunda irebe buri wese utuye mu Rwanda.

Ubusabe bwa Sezeri 1 burafunguye.